• الأربعاء، 2 يناير 2013

      طريقة عمل الكفتة زي الحاتي واحسن



      هشرحلكم ازاى الكفتة تطلع زى بتاعة الحاتى تمام

      اولا

      البصل تعصريه وتستخدمى اللى فاضل منه

      تعجنى بيه الكفتة مع ملح وفلفل وشوية بهار لحم

      بس كدة ولا تحطى توم ولا اى حاجة تانية

      لنص كيلو لحم حطى بصلاية صغيرة

      لازم اللحمة يكون فيها نسبة دهون

      وتفضلى تعجنى كويس اوى كتير


      ثانيا


      صبعى الكفتة على اسياخ خشب
      او من غير بس خليها مش سميكة


      ثالثاً

      هاتى صينية وحطى عليها شبكة
      ورصى الكفتة
      وعلي الفرن بيكون متسخن ع الاقل نص ساعة
      ماتنسيش كل شوية تقلبيها ع الوش التانى

      رابعاً

      ادهنيها بالصوص اللى بينزل منها
      ممكن تولعى فحمة وتحطيها فى الصينية
      وكلى بقة احلى كفتة ولا تفرقيها عن بتاعة الحاتى

      اية رأيك في النتيجة ؟

      متنسيش شير علي الفيس وتويتر